Во април зголемен бројот на туристите во Македонија

СКОПЈЕ (АА) - Државниот завод за статистика објави дека бројот на туристите во април годинава во Македонија изнесува 68.047, а бројот на ноќевањата е 140.081, што во однос на април минатата година е зголемување за 18,4 проценти, односно за 18,6 проценти, јавува Anadolu Agency (AA).

„Бројот на домашните туристи во април годинава, споредено со април лани, е зголемен за 15,8 проценти, а на странските за 19,6 проценти. Кај домашните туристи има зголемување за 15 проценти на бројот на ноќевањата, а на странските туристи за 21,1 процент. Најмногу туристи имало од Турција, Грција, Бугарија, Србија, азиските држави, како и од Германија, Хрватска, Косово, Албанија“, се вели во соопштението на Државниот завод за статистика.

Статистичките податоци покажуваат дека во периодот јануари – април годинава, во однос на истиот период од претходната година, бројот на туристите е зголемен за 10,7 проценти. Кај домашните туристи има зголемување за 9,4 проценти, а кај странските за 11,4 проценти.

Во периодот јануари – април годинава, во однос на истиот период од претходната година, бројот на ноќевањата е зголемен за 9,8 проценти, при што кај домашните туристи има зголемување за 3,4 проценти, а кај странските за 14,6 проценти