Bojana Stojanovic
03 Јули 2020•Ажурирај: 05 Јули 2020
БЕЛГРАД
Во Белград е прогласена вонредна состојба заради спроведувањето на превентивните мерки за заштита од коронавирусот (Ковид-19), изјави денеска градоначалникот на Белград, Зоран Радојичиќ, јавува Агенција Анадолија (АА).
„Одлуката стапува во сила денеска, а донесена е на предлог на градскиот Штаб за вонредни ситуации, поради тоа што 82,5 отсто од вкупниот број на заразени во Србија се токму од главниот град“, соопштено е од Градската управа.
Меѓу мерките кои за Белград синоќа ги најави претседателот на Србија, Александар Вучиќ, се и забрана за работа за ноќните клубови од 23:00 часот до 6:00 часот науро, а тоа се однесува и на кафулињата кои немаат отворен простор.
Исто така, се забранува собирање на повеќе од 100 луѓе во затворен и за повеќе од 500 луѓе на отворен простор.
