Во Србија 59 новозаразени со коронавирусот, 545 активни случаи

БЕЛГРАД (АА) - Во Србија во изминатото деноноќие од коронавирусот почина уште едно лице, а вирусот е дијагностициран кај уште 59 лица, со што во земјата моментално има 545 активни случаи, пренесува Агенција Анадолија (AA).

Вкупниот број на регистрирани случаи од почетокот на епидемијата во земјата е 12.310.

Од вчера, тестирани се 1.802 лица, од кои 59 се позитивни на коронавирусот.

Откако во изминатите 24 часа од Ковид-19 почина уште едно лице , бројот на смртни случаи се искачи на 254. Процентот на смртност е 2,06 проценти.

На респиратори и понатаму се 15 пациенти, а досега на вирусот во земјата се тестирани вкупно 302.928 граѓани.