Грција: Пензионерите протестираа против мерките за штедење

АТИНА (АА) - Пензионерите во Грција протестираа против пакетот закони за кои треба да се гласа во собранието, а во рамките на тие закони е предвидено и намалување на пензиите, јавува Anadolu Agency (AA).

И покрај дождот, пензионерите кои на повикот од различни синдикати се собраа на плоштадот „Коѕија“ во Атина, маршираа кон зградата на парламентот.

Демонстрантите извикуваа пароли против мерките за штедење и владините политики, и носеа транспаренти со натписот „Нашиот одговор за вас е востание и борба“.

Пензионерите соопштија дека ќе учествуваат на масовните демонстрации на плоштадот „Синтагма“ во вечерните часови, кога се чека во парламентот да се гласа новиот договор.

Предлог-законот содржи регулативи кои ќе обезбедат заштеди од околу 4,9 милијарди евра.