Два нови земјотреси ја потресоа Хрватска

САРАЕВО (АА) - Во Хрватска утрово регистрирани се уште два земјотреса, покажуваат податоците на Европско-медитеранскиот сеизмолошки центар (EMSC), пренесува Агенција Анадолија (AA).

Првиот земјотрес со јачина од 3,2 степени според Рихтеровата скала е регистриран во раните утрински часови на 12 километри од Петриње и 50 километри од Загреб. Забележан е на длабочина од два километри.

Вториот земјотрес со јачина од 3,3 степени е регистриран во 5:37 часот на длабочина од десет километри. Потресот е регистриран на 22 километри од Сисак, 41 километар од Загреб.