Пендаровски со сочувство за загинатите од пожарот во Ковид-центарот во Тетово

СКОПЈЕ (АА) - Претседателот на Северна Македонија, Стево Пендаровски, преку социјалните мрежи реагираше во врска со пожарот кој го зафати Ковид-центарот во Тетово, пренесува Агенција Анадолија.

„Сочувство до семејствата и роднините на починатите во страшната трагедија во Ковид-центарот во Тетово“, напиша Пендаровски на својот Фејсбук профил.

Пендаровски на повредените во пожарот им посака успешно закрепнување.

Инаку, во пожарот загинаа најмалку 10 лица, додека има и бројни повредени, потврди Министерството за здравство на Северна Македонија.

„До моментов се потврдени десет загинати во пожарот, но бројката може да порасне“, се наведува во соопштението на Министерството.