Приштина: На Оливер Ивановиќ му е дозволено да се брани од слобода

ПРИШТИНА (AA) – На лидерот на граѓанската иницијатива СДП, Оливер Ивановиќ, денеска му е укинат домашен притвор и тој ќе може да се брани од слобода, јавува Anadolu Agency (AA).

Адвокатот на одбраната, Небојша Влајиќ, за АА потврди дека Основниот суд во Митровица на барање на одбраната одлучи на Ивановиќ да му се овозможи да се брани од слобода.

„Тоа не е конечно ослободување, но укинат му е домашен притвор и ќе може да се брани од слобода", рече Влајиќ.

Тој истакна дека на одбраната и е драго поради тоа што судот сфатил дека „Оливер Ивановиќ не сака да бега, ниту тоа било кога го сакал".

На почетокот на февруари Апелациониот суд на Косово ја поништи првостепената пресуда на Ивановиќ од девет години затвор за воено злосторство и го врати судењето од почеток.

Првото рочиште на повтореното судење на Оливер Ивановиќ (64) започна на 24. март во Основниот суд во Митровица, и во таа прилика Ивановиќ се изјасни дека не е виновен.

На повтореното судење, Ивановиќ е единствениот обвинет и му се суди за кривична одговорност за воено злосторство против цивилното население од април 1999 година. Роксана Компа, судија на ЕУЛЕКС и во повтореното судење е претседател на Судскиот совет.