Северна Македонија: Регистрирани 4 нови случаи на Ковид-19

СКОПЈЕ

Во последните 24 часа во Република Северна Македонија регистрирани се 4 нови случаи на коронавирусот (Ковид-19), што ја зголемија вкупната бројка на евидентирани случаи од почетокот на епидемијата во земјата на 155.673, пренесува Агенција Анадолија (АА).

Во последното деноноќие не се регистрирани смртни случаи од последиците предизвикани од Ковид-19, а билансот на починати од овој вирус во земјата е 5.484.

Денеска Институтот за јавно здравје регистрира 11 оздравени пациенти од Ковид-19, a вкупната бројка на оздравени изнесува 149.961.

Бројот на активни случаи на Ковид-19 во Северна Македонија изнесува 228.

Министерството за здравство информира дека во последните 24 часа се реализирани 2.514 тестирања за Ковид-19, а досега во земјата се направени вкупно 872.894 тестирања.