СКОПЈЕ (АА) - Амбасадорот на Република Туркије во Северна Македонија, Фатих Улусој, се потпиша во книгата на жалост отворена во Министерството за надворешни работи и надворешна трговија за 59-те лица кои ги загубија своите животи во пожарот што избувна во дискотека во Кочани, јавува Анадолу.

Амбасадорот по потпишувањето во книгата на жалост во зградата на Министерството оствари средба со државниот секретар Елена Кузманоска при што изрази сочувство, како и желби за побрзо закрепнување на повредените во пожарот.

Улусој истакна дека Туркије, како и во минатото, секогаш е подготвена да му помогне на пријателскиот и братски народ на Северна Македонија.

Во Северна Македонија, поради седумдневната жалост, знамињата пред институциите и дипломатските претставништва се спуштени на половина копје, меѓу кои и пред турската Амбасада во Скопје.

Во пожарот во Кочани, предизвикан од пиротехнички средства, повредени се и над 150 лица, од кои најмалку 20 се во сериозна состојба. Девет повредени се префрлени на лекување во Истанбул и Анкара со медицински авиони испратени од Туркије.