Стапката на невработеност во Еврозоната падна на 7,4 отсто во септември

АНКАРА (АА) - Стапката на невработеност во Еврозоната падна на 7,4 отсто во септември, пренесува Агенција Анадолија (АА).

„Стапката на невработеност во септември беше намалена од 7,5 отсто претходниот месец и од 8,6 отсто истиот период претходната година“, се вели во соопштението на Евростат.

Се наведува дека бројот на невработени лица се намалил за 255.000 на месечно ниво во септември годинава.

Во ЕУ, стапката на невработеност падна на 6,7 отсто, што е намалување од 6,9 отсто во август и 7,7 отсто истиот месец минатата година.

Еврозоната или ЕА19, ги претставува земјите членки кои ја користат единствената валута - еврото - додека ЕУ27 ги вклучува сите земји членки на Блокот.

„Во споредба со август, бројот на невработени лица е намален за 306.000 во ЕУ27“, се додава.

Стапката на невработеност кај младите изнесуваше 15,9 отсто во ЕУ и 16 отсто во Еврозоната овој септември, што е намалување од 16,1 отсто и 16,3 отсто од претходниот месец.

Околу 2,8 милиони млади луѓе под 25 години беа невработени во ЕУ, вклучувајќи 2,3 милиони во Еврозоната.

Стапката на невработеност минатиот месец во Еврозоната изнесуваше 7,7 отсто кај жените и 7,1 отсто кај мажите.