Adam Abu-bashal
23 Октомври 2020•Ажурирај: 23 Октомври 2020
АБУЏА
Бројот на дијагностицирани случаи на новиот вид коронавирус (Ковид-19) на африканскиот континент достигна речиси 1,7 милиони, пренесува Агенција Анадолија (АА).
Според интернет-страницата „Worldometer“, во последните 24 часа на овој континент дијагностицирани се уште 10.970 случаи на Ковид-19.
Со ова, вкупната бројка на откриени случаи во Африка се искачи на 1.696.418.
Исто така, во последните 24 часа од Ковид-19 починале уште 216 лица, со што вкупната бројка на смртни случаи се зголеми на 40.760.
Најмногу смртни случаи од Ковид-19 се регистрирани во Јужноафриканската Република (18.843), по која следуваат Египет (6.166) и Мароко (3.132).
На Маврициус нема активни случаи, додека во Еритреја и на Сејшелите досега не се регистрирани смртни случаи од Ковид-19.
Најмногу случаи на Ковид-19 се откриени во Јужноафриканската Република (710.515), по која следуваат Мароко (186.731) и Египет (106.060).
Во Африка од вирусот досега оздравеа вкупно 1.390.786 лица.
