Велика Британија: Бројот на починати од Ковид-19 надмина 40 илјади

ЛОНДОН

Во Велика Британија во последните 24 часа починаа 357 лица поради новиот вид коронавирус (Ковид-19), со што вкупниот број на починати во земјата се искачи на 40.261, пренесува Агенција Анадолија (АА).

Оваа информација преку соопштение објавено на социјалните мрежи ја потврди Министерството за здравство на оваа земја.

Во соопштението се нагласува дека во последните 24 часа се откриени уште 1.650 случаи со Ковид-19, со што вкупниот број на откриени случаи во земјата се зголеми на 283.311.

Во последните 24 часа во земјата се направени 207.231 тестирањe за Ковид-19, со што бројот на вкупно извршени тестирања во земјата се зголеми на 5.214.277.