Во Бразил во последните 24 часа од Ковид-19 починаа 892 лица

БУЕНОС АИРЕС (АА) - Во Бразил, која е една од најпогодените две земји од епидемијата, во последните 24 часа како последица на Ковид-19 починаа 892 лица, со што вкупниот број на смртни случаи поврзани со овој вирус достигна 42.720, јавува Агенција Анадолија (АА).

• Во Мексико во последните 24 часа од Ковид-19 починаа 424 лица

Министерството за здравство на Бразил соопшти дека бројот на заразени со коронавирусот во последното деноноќие се зголемил за 21.704, и дека од почетокот на епидемијата во земјата дијагностицирани се вкупно 850.514 случаи.

Бројот на смртни случаи во земјата се искачи на 42.720 со раст од 892 во последните 24 часа.

Бразилската сојузна држава Сао Паоло, која има 46 милиони жители и е центар на трговијата во земјата, моментално е најтешко погодена, со 172.875 случаи и 10.581 починати.

Во Рио де Жанеиро, која е втора најпогодена држава во Бразил, регистрирани се вкупно 78.836 случаи со Ковид-19, а починаа 7.592 лица.

Бразил вчера ја остави Велика Британија зад себе и стана втора земја во светот според бројот на смртни случаи и заразени од Ковид-19, по Соединетите Aмерикански Држави (САД).

Бразил, кој има над 211 милиони жители, се смета за епицентар на епидемијата во регионот.