Во бомбашки напади во Либија загинаа 34 лица

БЕНГАЗИ (АА) - Во два бомбашки напади извршени синоќа во Бенгази, во источниот дел на Либија, загинаа 34 лица, јавува Anadolu Agency (AA).

Од болницата е потврдено дека во нападот извршен пред џамијата Биат ер Ридван во Бенгази, по излегувањето на верниците, загинале 24, а биле ранети 73 лица.

Постои загриженост дека бројот на мртвите би можел да се зголеми. Сè уште никој не презеде одговорноста за нападот.

Владата и членовите на Претставничкото собрание во Тобрук го осудија нападот и прогласија тридневна жалост.

Замениците на претседателот на Советот при либиската Влада на национално единство, Фети ел Мецези и Али Катрани, го оквалификуваа нападот како терористички и повикаа на откривање на сторителот.