За 7 дена во југоисточна Турција и северен Ирак неутрализирани 49 терористи

АНКАРА - Во акции во изминатите седум дена, во југоисточниот дел на Турција и северен Ирак неутрализирани се 49 терористи, јавува Anadolu Agency (AA).

Од Генералштабот на Турската војска е соопштено дека во периодот од 18 до 24 мај неутрализирани се 49 терористи, а запленето е и големо количество оружје и муниција. Акциите се спроведени во Дијарбакир, Мардин и Сирт во југоисточниот дел на Турција и во северен Ирак.

Соопштено е дека во рамките на операцијата „Маслинова гранка“, на подрачјето на сирискиот Африн неутрализирани се вкупно 4.474 терористи.

Во тек се акции за пронаоѓање на преостанатите бојни средства и деминирање на подрачјето на Африн.