Турција отпушти над 200 лица од воениот персонал поради поврзаност со ФЕТО

АНКАРА (АА) - Од турското Министерство за одбрана денес се потврдува дека се отпуштени преку 230 лица од воениот персонал поради сомневање за поврзаност со терористичката организација ФЕТО, јавува Anadolu Agency (AA).

Според соопштението издадено од Министерството, отпуштени се вкупно 233 лица, од кои 201 од турските воздушни сили и 32 лица од воената морнарица.

Во овој вкупен износ, 158 подофицери, 67 наредници и 8 специјализирани наредници беа ослободени од должност.

Во меѓувреме, седум воени судии и полковници беа исто така отстранети од функција, при што вкупниот број на отпуштени службеници изнесува 3.939.

Турската Влада ја обвинува терористичката организација ФЕТО за организирање на неуспешниот обид за државен удар на 15 јули.

Над 240 лица загинаа и околу 2.200 беа повредени кога дел од вооружените сили се обиде да ја собори власта.