21 јули е најтоплиот ден забележан на Земјата

ИСТАНБУЛ (АА) - Во неделата, на 21 јули, светот беше сведок на најтоплиот ден досега, покажуваат прелиминарните податоци на Службата за климатски промени Коперник на Европската Унија, која ги следи временските услови уште од 1940 година, јавува Анадолу.

„Она што е навистина зачудувачки е колкава е разликата помеѓу температурата во последните 13 месеци и претходните температурни рекорди. Сега навистина сме на неистражена територија и како климата продолжува да се загрева, сигурно во иднина ќе видиме како се уриваат нови рекорди“, го цитираше климатскиот монитор својот директор Карло Буонтемпо.

Пред јули 2023 година, највисоката дневна глобална просечна температура изнесуваше 16,8 степени Целзиусови степени (62,24 Фаренхајтови степени), регистрирана на 13 август 2016 година. Од 3 јули 2023 година досега, 57 дена го надминаа овој рекорд.