Антарктички глечер се намалил 8 километри за само два месеца

ИСТАНБУЛ (АА) - Антарктички глечер изгубил речиси половина од својата должина за само два месеци, што е најбрзото повлекување досега забележано, според студијата објавена во „Nature Geoscience“, пренесува Анадолу.

Истражувачите откриле дека глечерот Хекторија, кој се наоѓа на Антарктичкиот Полуостров, се повлекол околу 8,2 километри во периодот ноември - декември 2022 година.

Глечерот, исто така, изгубил вкупно речиси 25 километри помеѓу јануари 2022 и март 2023 година.

Научниците рекоа дека повлекувањето не е предизвикано од затоплувањето на океанот или атмосферата, како што претходно се претпоставуваше, туку од брз колапс предизвикан од процес познат како отцепување на ледената рамнина - кога мразот се одвојува од рамен, слабо заземјен дел од глечерот.

Наодите укажуваат дека глечерите што лежат на таканаречените ледени рамнини може да бидат многу понестабилни отколку што претходно се сметаше.

Истражувачите предупредија дека слични фактори би можеле да ги направат другите антарктички глечери ранливи на ненадеен колапс, со потенцијално големи последици за глобалното ниво на морето.