Индија лансираше набљудувачки сателит во вселената

ЧАНДИГАР

Индија лансираше нов сателит во вселената, со цел развивање активности за радар и мониторинг, пренесува Anadolu Agency (AA).

Индиската организација за вселенско истражување (ISRO) соопшти дека сателитот „RISAT 2B“ е лансиран од космодромот во индиската сојузна држава Андра Прадеш, со ракетата „Polar Satellite Launch Vehicle“ (PSLV).

Во соопштението се нагласува дека „RISAT 2B“ е набљудувачки сателит за Земјата кој е опремен со уред за радарско снимање, а ќе се користи во различни области како земјоделство, шумарство и управување со катастрофи.

„RISAT 2B“ е третиот сателит лансиран оваа година од страна на Индиската организација за вселенско истражување (ISRO).