Нарушен пристапот до услугите на Гугл во повеќе земји

ИСТАНБУЛ (АА) - Услугите на Гугл биле недостапни денес за милиони луѓе во неколку земји, првенствено во Југоисточна Европа, известува Анадолу.

Според „DownDetector“, бранот пријави од корисници кои се борат да пристапат до услугите на Гугл, како што се Јутуб, Џимејл, Хром, Мапс, Гугл транслејт и други, започнал во 10:00 часот по локално време.

„Имаше бран пријави почнувајќи од 7:10 часот по Гринич. За време на прекинот, добивме пријави од Турција, Северна Македонија, Бугарија, Грција, Грузија, Хрватска, Србија, Романија, Ерменија, Азербејџан и 16 други земји“, објави веб-страницата за следење дигитални прекини „Outage.Report“.

Некои корисници пријавиле дека шведската услуга за аудиостриминг Спотифај, исто така, е погодена од прекинот.