Ракетата „Старшип“ на Спејс икс се распадна за време на деветтиот пробен лет

ВАШИНГТОН (АА) - Ракетата „Старшип“ на Спејс икс (SpaceX) полета на својот деветти пробен лет во рамките на активностите на компанијата предводена од Илон Маск да постигне успех по две неуспешни мисии претходно оваа година, јавува Анадолу.

„Како да не беше доволно возбудливо тестирањето на летот, Старшип доживеа брзо непланирано распаѓање. Тимовите ќе продолжат да ги разгледуваат податоците и да работат за нашиот следен пробен лет“, соопшти Спејс икс на платформата Х.

„Со ваков тест, успехот доаѓа од она што го учиме, а денешниот тест ќе ни помогне да ја подобриме сигурноста на Старшип додека Спејс икс се стреми кон правење на животот мултипланетарен“, се додава.

Ракетата висока 400 стапки полета во 19:37 часот по источно време од Старбејс на Спејс икс во Бока Чика, Тексас, со одобрение од Федералната администрација за воздухопловство (FAA).

Тест-летот беше направен по надградбите направени по неуспесите во повисоката фаза во јануари и март.