Оланд: Сириските бегалци мора да останат во Турција, Либан и Јордан

ПАРИЗ (АА) - Францускиот претседател Франсоа Оланд изјави дека бегалците кои бегаат од Сирија мора да останат во најблиските држави, Турција, Либан и Јордан, јавува Anadolu Agency (AA).

Оланд оствари средба со германската канцеларка Ангела Меркел во Париз, каде што во понеделник на 7 март ќе се одржи Самит на Европската унија во врска со бегалците. По средбата, тој рече дека неговата земја со Германија го дели истиот став кога станува збор за бегалската криза.

Тој нагласи дека е неопходно да се формираат центри кои ќе им земаат отпечатоци на бегалците, бидејќи на тој начин ќе се знае од каде доаѓаат и на тој начин ќе биде утврдено нивното право за престој. Оланд, исто така рече дека со цел да се контролира бегалската криза, во рамките на мисијата на НАТО ќе биде испратен брод во Егејското Море.

"Бегалците кои бегаат од Сирија мора да остане во најблиската земји, значи во Турција, Либан и Јордан. Се разбира, дека ние ќе дадеме се од себе кога станува збор за хуманитарна помош", рече Оланд, додавајќи дека за решавање на проблемот на бегалската криза треба да им помогне не само Франција, туку целата ЕУ.

Тој нагласи дека како Франција, така и другите земји треба да ги одржат ветувањата во врска со бегалците. Оланд исто така, рече дека рускиот претседател Владимир Путин вети дека Русија ќе го почитува прекинот на огнот во областа на Сирија.