Ердоган за очекувањата од посета во Русија: „Што е можно побргу да се обезбеди прекин на огнот во регионот“

ГОЛЕМО НАРОДНО СОБРАНИЕ НА ТУРЦИЈА (АА) - Претседателот на Турција, Реџеп Таип Ердоган, во врска со очекувањата од утрешната посета на Русија, нагласи: „Што е можно побргу да се обезбеди прекин на огнот во регионот“, јавува Агенција Анадолија (АА).

Претседателот Ердоган одговори на прашањата на новинарите во врска со утрешната посета во Русија.

На прашањето „Дали има некој нов предлог од Русија пред посетата?“, Ердоган одговори: „Во овој момент предлози не се даваат. Најпрвин ние да ја реализираме посетата. По посетата најверојатно со почитуваниот Путин ќе имам прес-конференција. Заедно со мене има и новинари. Со нив ќе споделиме многу работи. Ништо нема да остане скриено.“

Во однос на изјавата на Џејмс Џефри, американскиот специјален пратеник за Сирија, кој изјави „Ние сакаме да дадеме муниција“, и прашањето дали Турција имала барање во тој поглед, Ердоган рече: „Ние на почитуваниот Трамп му ги пренесовме нашите барања од овој вид.“

Одговарајќи на прашањето за неговото очекување од посетата на Русија, Ердоган нагласи: „Што е можно побргу да се обезбеди прекин на огнот во регионот.“