„Извршивме напади врз воени објекти во Украина“, објави Русија

МОСКВА (АА) - Руското Министерство за одбрана објави дека синоќа извршиле напад врз воени објекти во Украина со оружје со голема прецизност и беспилотни летала, известува Анадолу.

Во соопштението на руското министерство се дадени информации за акциите на руската армија врз Украина.

Информирајќи дека нападите врз воените објекти во Украина продолжуваат, во соопштението се додава:

„Руските вооружени сили извршија напад со оружје со голема прецизност со долг дострел и беспилотни летала врз претпријатијата што работат во областа на воената индустрија на Украина, работилници за склопување беспилотни летала, точки за техничко одржување и поправка на оружје и воена опрема, како и складишта за муниција. Постигната е целта на нападот. Сите цели беа погодени.“