Нов силен земјотрес го погоди Мексико Сити

МЕКСИКО СИТИ (АА) - Нов силен потрес го погоди денес Мексико Сити, занишувајќи многу згради, поради што многу луѓе истрчаа на улиците, пренесува Anadolu Agency (AA).

Потресот беше многу послаб од земјотресот со јачина од 7,1 степен по Рихтер кој во вторник го погоди Мексико, а во кој загинаа најмалку 295 лица ширум земјата и кој урна многу згради во главниот град.

Денешниот земјотрес, според Геолошкиот завод на САД, беше со јачина од 6,2 степени по Рихтер со епицентар во јужната мексиканска држава Охака.

Засега нема извештај за тоа дали во новиот потрес има жртви или е причинета материјална штета.