Аеродромот „Хитроу“ во Лондон денес затворен поради пожар во трафостаница

ИСТАНБУЛ (АА) - Аеродромот „Хитроу“ во Велика Британија денес соопшти дека е принуден да го прекине работењето поради пожар во трафостаницата што го снабдува овој објект со струја, јавува Анадолу

„За да ја осигуриме безбедноста на нашите патници и вработени, 'Хитроу' ќе остане затворен до 23:59 часот на 21 март“, се наведува во објавата на аеродромот на социјалната мрежа Х.

Патниците се советуваат да не патуваат кон аеродромот и да ги контактираат нивните авиокомпании за натамошни информации.

„Се извинуваме за непријатностите“, додаваат од аеродромот.

„Хитроу“ е еден од најфреквентните аеродроми во светот и годишно опслужува милиони патници. Се очекува неговото затворање значително да ги наруши летовите и плановите за патување.