Ruslan Rehimov
12 Ноември 2016•Ажурирај: 13 Ноември 2016
БАКУ (АА) - Државната новинска агенција на Аззербајџан (АЗЕРТАС) ќе го преземе претседателството со Светскиот конгрес на новинските агенции и Асоцијација на Азиско-Пацифичките новински агенции (ОАНА), јавува Anadolu Agency (AA).
Азербајџан се подготвува да биде домаќин на 5. Конгрес на Светските новински агенции, 16. Генерално собрание на ОАНА и 22. состанок на Советот на претседателите на државните новински агенции на Заедницата на независни држави (ЗНД).
На активностите кои ќе се организираат во домаќинство на Фондот Хајдар Алијев и АЗЕРТАС ќе присуствуваат повеќе од 200 претседатели и претставници на над 100 новински агенции, како и официјални претставници на ОН и УНЕСКО.
Официјалните отварања на 5. Конгрес на Светските новински агенции и 16. Генерално собрание на ОАНА ќе бидат на 16 ноември во Центарот Хајдар Алијев.
На конгресот ќе бидат организирани панели на теми „Новинските агенции-можностите на новите технологии и социјалните медиуми", „Иновацијата на новинските агенции"
„Обука на новинари за иднината на Мултимедијата", „Одбрана на новинарската мисија".
На седниците ќе одржат говор претседателите на ОАНА, Конференцијата на асоцијата на Европските новински агенции (ЕАНА) и Федерацијата на арапските ноцински агенции (ФАНА), високите извршни директори на Асошиејтед Прес (АП) , Ројтерс, Синхуа, Anadolu Agency (AA), TASS, Франс Прес, Прес Асошиејшн, ЕФЕ, Yonhap, Кјодо, TT, СПА, БТА, AAП, ИРНА, ДПА, Нотимекс, АТПЕ и другите новински агенции.
На конгресот ќе се потпишаат договори за соработка меѓу агенциите АЗЕРТАС и ЕФЕ од Шпанија, ИП од Парагвај и БНА од Бахреин.
АЗЕРТАС кој на конгресот ќе го преземе претседавањето, во периодот 2016-2019 ќе го раководи претседателството на Конгресот на светските новински агенции.
16. Генерално собрание на ОАНА својата работа ќе ја започне на 18 ноември. На состанокот во кој ќе присуствуваат над 80 високи ивршни директори на 40 новински агенции претседавањето ќе му се даде на Азербајџан и АЗЕРТАС 3 години ќе биде претседател и на ОАНА. Исто така управување со веб-сајт на установата и другите организациони прашања ќе бидат префрлени на АЗЕРТАС.
На 22. состанок на Советот на претседателите на државните новински агенции на Заедницата на независни држави (ЗНД) ќе се дискутира за активностите во 2016 година, заедничките пројекти и развојот на размена на информации.
- „Целта е Конгресот на светските новински агенции и ОАНА да се направат помоќни"
Генералниот директор на АЗЕРТАС, Аслан Асланов изјави дека во периодот на нивното претседавање ќе работат за Конгресот на светските новински агенции и ОАНА да ги направат помоќни институции.
Во неговата изјава за АА Асланов рече дека се преземени некои чекори за институционализација и дека на состанокот на Советот на светските новински агенции која е административна единица на Конгресот се воспоставени мисиите претседател и заменик претседател на институцијата. Асланов пренесе дека за уште поголем развој на активностите на институцијата ќе продолжат со слични реформи.
Зборувајќи и за соработката со АА, Асланов рече: „Убеден сум дека и во годините 2016-2019, во нашето претседателство на Конгресот на светските новински агенции, АА и АЗЕРТАС кои се две братски и пријателски агенции, правејќи заеднички активности ќе постигнеме поголеми успеси".
