Emre Aytekin
07 Април 2020•Ажурирај: 08 Април 2020
АНКАРА (АА) - Шпионски авион на Американските воздухопловни сили забележан е над Корејскиот Полуостров, пренесува Агенција Анадолија (АА).
Според известувањето на јужнокорејската новинска агенција „Јонхап“, страницата за следење авиони „Aircraft Spots“ навела дека моделот на разузнавачки авион „RC-135W Rivet Joint“ лета над регионот Кјанги, кој ги вклучува и градовите Канвон, Сеул и Инчеон.
И минатата сабота над Корејскиот Полуостров летал авион од истиот тип.
САД во последниве месеци го интензивираа следењето на воздушните и воените разузнавачки активности во регионот, бидејќи се загрижени поради провокативните активности, како новото тестирање оружје од страна на властите на Пјонгјонг, по прекинот на преговорите за нуклеарната програма со Северна Кореја.
Минатиот декември беа откриени стратешкиот бомбардер „B-52“ и беспилотното летало „Глобал хок“ (Global Hawk) во близина на Корејскиот Полуостров и Јапонија.
Преговорите меѓу Северна Кореја и Соединетите Американски Држави (САД) беа прекинати во Шведска на 5 октомври.
