Американскиот секретар за одбрана во посета на Киев

ИСТАНБУЛ (АА) - Американскиот секретар за одбрана Лојд Остин денес пристигна во главниот град на Украина, Киев, јавува Анадолу.

„Се враќам во Украина по четврти пат како секретар за одбрана, демонстрирајќи дека САД, заедно со меѓународната заедница, продолжуваат да стојат покрај Украина“, истакна Остин на социјалната мрежа X.

Тој сподели и фотографија од неговото пристигнување во Киев, каде што беше пречекан од американската амбасадорка во Украина, Бриџит Бринк.

Во соопштението на американското Министерство за одбрана се вели дека Остин пристигнал во Украина за да се сретне со украинските лидери и „да ја повтори поддршката на САД за борбата за слобода на Украина“.

„За време на состаноците, секретарот ќе се состане со украинското раководство и ќе ја нагласи посветеноста на САД да ѝ обезбеди на Украина безбедносна помош што ѝ е потребна за да се одбрани од руската агресија на бојното поле“, се наведува понатаму.

Во соопштението се додава дека Остин на крајот на посетата ќе одржи говор, во кој ќе ги нагласи одбранбените напори на Украина во тековниот конфликт во земјата.