Американскиот секретар за одбрана лично постави табла „Министерство за војна“ на влезот на Пентагон

ВАШИНГТОН (АА) – Американскиот секретар за одбрана Пит Хегсет денес лично постави нова бронзена табла со натпис „Министерство за војна“ на главниот влез на Пентагон, јавува Анадолу.

„Добре дојдовте во Министерството за војна“, соопшти Министерството на платформата на американската компанија за социјални медиуми X, споделувајќи видео од Хегсет како ја поставува плочата

Претседателот Доналд Трамп во септември потпиша извршна наредба со која изрази намера Министерството за одбрана да биде преименувано во Министерство за војна и најави дека ќе побара од Конгресот да го формализира овој чекор.

„Мислам дека тоа праќа порака на победа. Порака на сила, многу силна, посилна отколку што некој би можел навистина да разбере“, изјави тој пред новинарите во Овалната канцеларија.
Трамп додаде дека ќе работи со Конгресот за да ја официјализира промената, но истакна дека е нејасно дали законодавците воопшто треба да постапат за таа да стане конечна.

Според Уставот на САД, Конгресот има овластување да создава, воспоставува и преименува федерални агенции.

Министерството за војна било основано во 1789 година, 13 години по донесувањето на Декларацијата за независност. Тој беше преименуван со закон потпишан од претседателот Хари Труман по завршувањето на Втората светска војна, во период кога многумина се надеваа на почеток на долгоочекуван глобален мир.