Белгија: Во експлозија загинаа две, повредени се 14 лица

БРИСЕЛ (АА) - Најмалку две лица загинаа, а 14 се повредени во експлозија која се случи синоќа при што се урна станбена зграда во белгискиот град Антверпен, пренесува Anadolu Agency (AA).

Од полицијата е потврдено дека експлозијата се случила во ресторан во улицата Парденмарк. Најмалку седум лица се спасени од урнатините, а екипите на терен ги пронајдоа телата на двете лица.

Полицијата соопшти дека експлозијата не е поврзана со тероризам и дека најверојатно е предизвикана од истекување на гас.

На местото на несреќата се упатија голем број екипи на брзата помош, а зголемени се и безбедносните мерки.

Акцијата за пребарување и спасување е во тек.