Бомбашки напад на клуб во центарот на Багдад: Загинаа шест, ранети 12 лица

БАГДАД (AA) - Најмалку шест лица загинаа а дванаесет се ранети во нападот изведен во центарот на ирачката престолнина Багдад, јавува Anadolu Agency (AA).

Како што наведуваат безбедносни извори, нападот е изведен со активирање на автомобил бомба а мета беше еден ноќен клуб во главниот град на Ирак.

Загинаа шест, а ранети се дванаесет лица. Багдад е често место на судири и бомбашки напади.

Ирачките функционери наведуваат дека зад нападот стојат членови на терористичката организација ДЕАШ и групите кои делуваат со нив.