Борел: Идните лидери на ЕУ треба да одлучат за барањето на Туркије за членство

РИМ (АА) - Шефот за надворешна политика на Европската Унија (ЕУ), Жозеп Борел, изјави дека идните лидери на блокот ќе треба да одлучат за барањето на Туркије да стане членка, бидејќи постоечкиот ќор-сокак повеќе не е одржлив, јавува Анадолу.

„Лидерите на Европскиот советот ќе треба да кажат каков однос сакаме да имаме (со Туркије)“, рече Борел на конференцијата за европски прашања во Фиренца организирана од Европскиот универзитетски институт.

Тој истакна дека Туркије чувствува дека блокот повеќе не е заинтересиран да ја има како членка по годините на застој на пристапниот процес.

„Тоа е она што тие веруваат“, рече Борел. „И тие бараат одлука од наша страна“.

„Не можеме да продолжиме ... вака, бидејќи Туркије сѐ повеќе и повеќе оди во друга насока која не во согласност со нашите вредности“, рече Борел.