Бразил: Во полициски операции против наркобандите загинаа 43 лица

АНКАРА (АА) - Најмалку 43 лица загинаа во полициски рации против наркобандите во бразилските Рио де Жанеиро, Сао Паоло и Баија, јавува Анадолу.

Бразилската полиција објави дека десет лица загинале во судирот што избувнал во операцијата против наркобандите во Рио де Жанеиро.

Наведено е дека меѓу загинатите е и водачот на наркобанда.

Во операцијата во Сао Паоло, која траеше пет дена, загинаа 14 лица, меѓу кои и полициски сили, додека 19 осомничени се неутрализирани во Баија.

Операцијата е започната по убиството на полицаец од специјалните сили во приморскиот град Гуаруџа во Сао Паоло. Полицијата приведе 58 лица и заплени 385 килограми дрога.

Критикувајќи ја операцијата во Гуаруџа, бразилскиот министер за правда Флавио Дино изјави дека реакцијата на полицијата не била пропорционална на извршеното злосторство.