Бројот на загинати во израелските напади во Газа порасна на 11

Бројот на загинати во израелските напади во Појасот Газа се зголеми на 11, меѓу кои има и едно дете, додека 80 лица се повредени, пренесува Агенција Анадолија (АА).

Палестинското Министерство за здравство објави писмено соопштение во врска со загинатите во нападите што Израел ги продолжува врз Газа.

Во соопштението се вели дека во утринските напади загинал еден Палестинец, додека четворица се повредени.

Според соопштението, досега загинале вкупно 11 лица, меѓу кои 5-годишно дете и 23-годишна жена, а 80 лица се повредени во израелските напади врз Газа, која е под блокада.

Во ова соопштение на Министерството не се споделени информации за состојбата на повредените.

Инаку, израелската Војска вчера соопшти дека погодила позиции на движењето „Исламски џихад“ во Појасот Газа.

Воената гранка на Израел, движењето „Исламски џихад“, соопшти дека како одговор на израелските напади лансирале 10 ракети кон Тел Авив и градовите во централниот дел, како и во околината на Газа.