Бројот на починати при уривањето на црквата во Гана се зголеми на 22

АБУЏА

Во уривањето на шесткатната црква во источниот регион на Гана досега животот го загубија 22 лица, известува Агенција Анадолија (АА).

Агеманг Премпе, координаторот на Националната организација за управување со катастрофи (НАДМО), соопшти дека спасувачките екипи извлекле уште 4 безживотни тела што биле под рушевините на урнатата шесткатна црква.

Премпе соопшти дека со последните жртви, вкупниот број на загинати се искачил на 22, а во исто време се спасени 8 лица.

Тој информираше дека спасувачките екипи на НАДМО продолжуваат со своите активности за откривање на лицата заробени под урнатините.

Се тврди дека за време на несреќата во црквата имало повеќе од 60 лица.