Betül Yılmaz
21 Октомври 2025•Ажурирај: 22 Октомври 2025
ИСТАНБУЛ (АА) - Канцеларијата за медиуми на Владата на Газа денес објави дека само 986 камиони со хуманитарна помош влегле во Појасот Газа откако стапи на сила прекинот на огнот, што е значително помалку од бројот предвиден во договорот за прекин на огнот, јавува Анадолу.
Канцеларијата за медиуми соопшти дека до понеделник навечер во Газа требало да влезат вкупно 6.600 камиони. Просечниот број камиони што влегле во Газа откако стапи на сила прекинот на огнот не надминува 89 од 600 камиони што треба да влегуваат секој ден, според соопштението.
„Ова го отсликува продолжувањето на политиката на задушување, гладување и хуманитарна уцена од страна на израелската окупација, наметната на повеќе од 2,4 милиони жители во Газа.“
Четиринаесет камиони со гас за готвење и 28 камиони со соларно гориво се влезени во енклавата за работа на пекарниците, болниците, генераторите и други значајни услуги.
Владата нагласи дека овие ограничени количини не ги задоволуваат основните потреби на Газа, која „итно и очајно има потреба од итен и постојан влез на најмалку 600 камиони со помош дневно, во која и храна, медицински материјали, хуманитарен материјал, гориво и гас за готвење за да се обезбедат основните потреби за живот со достоинство“.
Договорот за прекин на огнот стапи на сила на 10 октомври во Појасот Газа, врз основа на фазен план претставен од американскиот претседател Доналд Трамп. Првата фаза вклучуваше ослободување на израелските заложници во замена за палестинските затвореници. Планот, исто така, предвидува обнова на Газа и воспоставување нов управувачки механизам без Хамас.
Според Министерството за здравство на Газа, од октомври 2023 година во израелската геноцидна војна се убиени над 68.200 Палестинци, а повеќе од 170.200 се повредени.
