Властите потврдија дека експлозијата во Њујорк е предизвикана од бомба

ЊУЈОРК (АА) - Гувернерот на Њујорк, Ендрју Куомо, изјави дека експлозијата која се случи во населбата Челси, во која беа повредени 29 лица, е предизвикана од бомба, јавува Anadolu Agency (AA).

Куомо истакна дека станува збор за „терористички чин“, но дека не е пронајдена никаква поврзаност со меѓународниот тероризам.

Гувернерот додаде дека истрагата сè уште трае и дека по експлозијата во 27. Улица, пронајден е кујнски експрес лонец обвиен со жици. Тимовите за борба против тероризмот истражуваат за што станува збор.

Истиот ден во Њу Џерси пред хуманитарна трка во корпа за отпадоци е поставена и активирана експлозивна направа. Во експлозијата немаше загинати ниту повредени.