Во ДР Конго автобус со над 100 патници падна во провалија: 22 загинати

ДАКАР

При пад на автобус во провалија во Демократска Република Конго (ДРК) животот го загубија 22 лица, јавува Anadolu Agency (AA).

Според вестите објавени во локалните медиуми, автобусот кој од главниот град Киншаса се упатил кон градот Матади во западниот дел на земјата, додека се симнувал по планинскиот пат во пределот на Мбанза-Нгунгу му откажале кочниците и излетувајќи од патот паднал во провалија.

Автобусот со повеќе од 100 патници по падот се запалил. Во несреќата загинаа 22 лица, а голем број патници се повредени.

Повредените се префрлени во најблиските болници.