Во израелски воздушен напад во Газа убиено 18-месечно бебе

СКОПЈЕ (АА) - Осуммесечно бебе е убиено денес откако израелски воздушен напад ги погоди шаторите во кои се засолнети раселените Палестинци покрај улицата Шухада, јавува Анадолу.

Бебето, идентификувано како Кенан Бекр, почина во нападот, додека неговиот татко, Хејсем Бекр, е повреден.

На снимките од местото на настанот се гледаат најблиските како тагуваат над телото на Кенан во амбулантно возило.

Израел се соочува со растечки бес поради смртоносната војна во Газа, каде што од октомври 2023 година се убиени речиси 61.800 Палестинци. Воената кампања ја опустоши енклавата и ја доведе до работ на глад.

Минатиот ноември, Меѓународниот кривичен суд издаде налози за апсење на израелскиот премиер Бенјамин Нетанјаху и неговиот поранешен министер за одбрана Јоав Галант за воени злосторства и злосторства против човештвото во Газа.

Израел се соочува и со случај за геноцид пред Меѓународниот суд на правдата за своите воени дејства во енклавата.