ГАЗА (АА) - Најмалку четворица Палестинци, меѓу кои две деца, се убиени во израелски напад врз шаторска населба во регионот Меваси, југозападно од Појасот Газа, јавува Анадолу.

Очевидци за дописникот на АА изјавија дека израелски воен авион нападнал шаторска населба во регионот Меваси, што се наоѓа на брегот западно од Кан Јунис, предизвикувајќи пожар кој зафатил неколку шатори.

Палестинските здравствени извори потврдија дека во нападот биле убиени четири лица, вклучувајќи две деца, и дека има повредени.