Во напад на Асадовиот режим во Идлиб загинаа 2 цивили

ИДЛИБ

Двајца цивили загинаа во нападот извршен во сирискиот град Идлиб од страна на Асадовиот режим и терористичките групи поддржани од Иран, јавува Агенција Анадолија (АА).

Силите на режимот со оружја кои вршат гаѓања од копно на копно извршија напад во местото Фатира кое се наоѓа во рамки на границите на зоната за деескалација во Идлиб.

Според информациите до кои дојде новинарот на АА од локалните извори, во нападите на Асадовиот режим извршени во Фатира загинаа двајца цивили.

Асадовиот режим и терористичките групи поддржани од Иран продолжуваат со позиционирање на војници во околината на Идлиб.

Во овие рамки, силите на режимот во последните три месеци на линијата на фронтот во Идлиб позиционираа над 2.000 вооружени елементи со нивните тешки оружја.