Во оружен напад во Чикаго ранети 14 лица

ЊУЈОРК

Најмалку 14 лица се ранети во нападот во американскиот Чикаго, јавува Агенција Анадолија (АА).

Меѓу повредените, девет се во тешка здравствена состојба. Од полицијата Чикаго потврдено е дека оружениот напад се случил во тек на погреб.

Американските и странските медиуми наведуваат дека е уапсено едно лице кое се доведува во врска со овој напад.

Според очевидците, во пресметката е користено разно огнено оружје и ситуацијата потсетувала на војна.

Во нападите во Чикаго, изведени за само еден викенд во текот на минатиот месец, загинаа најмалку 14, а ранети се 90 лица.

Чикаго се повеќе станува еден од градовите со највеќе насилство во САД.

Според вестите на „Њујорк Тајмс", објавени на 5 јули, повикувајќи се на податоците на полицијата од Чикаго, во тој град од почетокот на годината до 2 јули загинале најмалку 336 лица.

Во Њујрк, кој три пати е повеќе населен од Чикаго, до крајот на јуни во нападите загинале 176 лица.