Mehmet Alaca
16 Декември 2021•Ажурирај: 17 Декември 2021
ЧИКАГО (АА) – Бројот на извршени смртни казни во Соединетите Американски Држави (САД) оваа година падна на 11, најмала бројка од 1988 година, пренесува Агенција Анадолија (АА).
Во годишниот извештај објавен од Информативниот центар за смртна казна, Врховниот суд е остро критикуван бидејќи дал зелено светло за одлуките за извршување.
Се наведува дека бројот на егзекуции постојано се намалува откако достигна 98 во 1999 година. Најмал број на егзекуции се извршени во 1988 година.
Федералната смртна казна е суспендирана набргу откако Џо Бајден, кој се противи на смртната казна, ја презеде функцијата. Смртната казна продолжува да се применува во државите.
Иако државите продолжуваат со укинување на смртната казна, егзекуциите најчесто се регистрирани во јужните американски држави. До денес, само 23 држави ја прогласија смртната казна за незаконска.
Во 2021 година извршена е егзекуција на тројца затвореници во Тексас и двајца во Оклахома. По една смртна казна беше извршена во Алабама, Мисисипи и Мисури.
Три лица се егзекутирани во рамките на федералните егзекуции дадени од администрацијата на поранешниот претседател Доналд Трамп.
Од друга страна, се нагласува дека 6 од 11-те затвореници егзекутирани во 2021 година се Афроамериканци.
