Erbil Başay
14 Април 2021•Ажурирај: 15 Април 2021
БЕРЛИН (АА) - Германија ќе ги следи Соединетите Американски Држави (САД) во однос на повлекувањето на своите трупи од Авганистан, пренесува Агенција Анадолија (АА).
Германската министерка за одбрана, Анегрет Крамп-Каренбауер, во изјава за телевизијата АРД (ARD) рече дека ова прашање ќе се дискутира во НАТО на состанокот на кој ќе учествуваат министрите за одбрана и надворешни работи на НАТО, откако САД соопштија дека ќе ги повлечат своите трупи од Авганистан на 11 септември.
Крамп-Каренбауер, на прашањето дали Германија ќе ги повлече своите трупи од Авганистан заедно со САД, рече: „Ние секогаш кажувавме ‘Влеговме заедно, ќе заминеме заедно‘. Јас сум за уредно повлекување. Затоа, претпоставувам дека таквата одлука ќе биде донесена денес.“
Одговорајќи на прашањето дали 11 септември значи и датум за повлекување на германските војници, Крамп-Каренбауер нагласи: „Ова значи дека нашите планови и во НАТО ќе ги синхронизираме со плановите на САД.“
Државниот секретар на САД, Ентони Блинкен, изјави дека неговата земја ќе ги повлече своите трупи од Авганистан до 11 септември и рече дека со сојузниците од НАТО ќе разговараат за повлекувањето.
