Еврејски доселеници ранија двајца Палестинци на Западниот Брег

ЕЛ ХАЛИЛ

Двајца Палестинци се ранети во напад на група еврејски доселеници на окупираниот Западен Брег, јавува Агенција Анадолија (АА).

Ратиб ал Кубур, координатор на комитетите за Народен отпор во Ел Халил (Хеброн), во своето писмено обраќање наведува дека група еврејски доселеници со камења и стапови ги нападнале Мусалам Абу Хамид и неговиот син Мохамед, кои работат во бизнисот на поставување водоводни цевки во регионот Мегаир ал Убејд.

Кубур, наведувајќи дека таткото и синот Палестинец, кои биле повредени во нападот, се наоѓаат на лекување во државната болница во Ел Халил, соопшти дека едниот од нив е во тешка здравствена состојба.

Повеќе од 250 нелегални еврејски населби се изградени на Западниот Брег, што Израел го окупира во 1967 година. Повеќе од 450.000 еврејски доселеници кои живеат на тие простори, им го отежнуваат животот на Палестинците кои живеат на Западниот Брег кој се наоѓа под израелска окупација.

Според меѓународното право, сите еврејски населби изградени на окупираната палестинска територија се сметаат за нелегални.