Египет: По четири години минати во затвор ослободена ќерката на Карадави

ИСТАНБУЛ

Јавното обвинителство во Египет одлучи да ја ослободи Ала ел Карадави, ќерката на поранешниот претседател на Светската унија на муслиманските научници, Јусуф ел Карадави, која е затворена четири години, пренесува Агенција Анадолија (АА).

Веста на оваа тема е објавена во египетската официјална агенција МЕНА (MENA).

Според веста, Карадави е ослободена по четири години притвор во судскиот процес во кој беше обвинета за „членство и финансирање на терористичка организација“.

Наведено е дека на многу членови на Организацијата „Муслиманско братство“ (Ихван), исто така им се судеше за истите обвиненија како на Карадави.

​​​​​​​

- Што се случи?

Ќерката Ала Карадави и нејзиниот сопруг Хусам Калаф беа приведени во нивниот дом во регионот Сахил еш-Шемали во северен Египет во јули 2017 година.

Карадави беше задржана во ќелија 300 дена и не ѝ беше дозволено да се сретне со своето семејство.

Во изјавата дадена од „Амнести интернешнел“ (Amnesty International) во врска со Ала ал Карадави, беше наведено дека „она што е применето врз неа, се смета за тортура според меѓународните норми“.