Египетските власти легализираа 80 цркви и придружни објекти

КАИРО (АА) - Египетските власти денес легализираа 80 христијански цркви и црковни придружни објекти низ таа земја, јавува Anadolu Agency (AA).

Египетската Влада го соопшти ова непосредно пред денешниот состанок меѓу премиерот Мустафа Медбули и комитетот формиран во 2016 година, со цел легализација на нелиценцираните објекти на христијанската заедница.

Во соопштението се наведува дека во последните 11 месеци во Египет се легализирани вкупно 588 цркви и придружни црковни објекти.

Претходно, невладините организации објавија и податок дека христијанските заедници, односно Коптската, Евангелистичката и Католичката црква, предале барања за легализација на вкупно 3.730 објекти.

Коптите се најбројна христијанска заедница во Египет и сочинуваат нешто повеќе од десет отсто од вкупно 97 милиони жители на таа земја.