Екстремен студ усмрти 21 лице во текот на планински ултрамаратон во Кина

АНКАРА (АА) - Околу 21 лице починаа за време на 100-километарски планински ултрамаратон во северозападна Кина, пренесува Агенција Анадолија (АА).

По речиси 24 часа, обидите за спасување и пронаоѓање на пет исчезнати лица завршиле, јави државната новинска агенција „Синхуа“, цитирајќи ги изјавите на локалните власти.

Екстремниот студ го зафати регионот за време на трката во која учествуваа 172 маратонци, што се одржа во саботата наутро во туристичкото место на Карпестата Шума на Хоангхо, во подрачјето на округот Џингтаи, во близина на градот Баијин.

Потврдено е дека уште 151 учесник се на безбедно, од кои осуммина се здобиле со полесни повреди.

„Како организатори на настанот, чувствуваме длабоко чувство на вина и каење“, изјави денес за новинарите Ѕанг Сучен, градоначалникот на градот Баијин.

Тој изрази жалење поради починатите и упати сочувство до нивните семејства.