Ексхумирани 18 тела од масовна гробница во либиски Сирт

ТРИПОЛИ (АА) - Либиските власти ексхумираа 18 тела од масовна гробница во подрачјето на градот Сирт, што се наоѓа во западниот дел на земјата, известува Агенција Анадолија (АА).

Општата управа за истражување и идентификација на исчезнати лица соопшти дека масовната гробница е откриена минатата недела во населбата Ал-Саб во Сирт.

Лешовите биле испратени во градската болница Ибн Сина на медицинско испитување.

Откривањето на масовни гробници е вообичаено во Либија, која е разорена од војната, во подрачјата што биле под контрола на терористичката група ДЕАШ или милициите поврзани со Калифа Хафтар, лидерот на силите во источниот дел на земјата.